Musa ibn Ismaili na ka thënë: Na ka treguar Ebu Avane, e këtij i ka treguar Ameshi, e ky nga Salim ibn Ebu Xhadi, e ky nga Kurejbi, i çrobëruari i Ibn Abasit, e ky nga Ibn Abasi se Mejmune bint Harithi (Allahu qoftë i kënaqur me të!) ka thënë: “Të Dërguarit të Allahut ﷺ ia vendosa ujin për t'u larë dhe e mbulova atë (që të mos shihej). Qiti ujë në dorë dhe e lau atë një ose dy herë. - Sulejmani thotë: “Nuk di a e ka përmendur edhe herën e tretë a jo.” - Pastaj, me dorën e djathtë, qiti ujë në të majtën, me të cilën e lau organin gjenital dhe, më pas, e përshkoi dorën për toke - ose ka thënë: për muri. Pastaj shpëlau gojën dhe hundën, lau fytyrën dhe duart, lau kokën dhe i qiti ujë tërë trupit. E, në fund, u zhvendos nga vendi ku ndodhej dhe i lau këmbët. Pasi e përfundoi, i ofrova një peshqir, por bëri me dorë, kështu, dhe nuk e deshi.”
حَدَّثَنَا مُوسَى بْنُ إِسْمَاعِيلَ: حَدَّثَنَا أَبُو عَوَانَةَ قَالَ: حَدَّثَنَا الأَعْمَشُ، عَنْ سَالِمِ بْنِ أَبِي الْجَعْدِ، عَنْ كُرَيْبٍ، مَوْلَى ابْنِ عَبَّاسٍ عَنِ ابْنِ عَبَّاسٍ، عَنْ مَيْمُونَةَ بِنْتِ الْحَارِثِ قَالَتْ: وَضَعْتُ لِرَسُولِ اللَّهِ ﷺ غُسْلاً وَسَتَرْتُهُ، فَصَبَّ عَلَى يَدِهِ، فَغَسَلَهَا مَرَّةً أَوْ مَرَّتَيْنِ - قَالَ سُلَيْمَانُ: لاَ أَدْرِي أَذَكَرَ الثَّالِثَةَ أَمْ لاَ - ثُمَّ أَفْرَغَ بِيَمِينِهِ عَلَى شِمَالِهِ، فَغَسَلَ فَرْجَهُ، ثُمَّ دَلَكَ يَدَهُ بِالأَرْضِ أَوْ بِالْحَائِطِ، ثُمَّ تَمَضْمَضَ وَاسْتَنْشَقَ، وَغَسَلَ وَجْهَهُ وَيَدَيْهِ، وَغَسَلَ رَأْسَهُ، ثُمَّ صَبَّ عَلَى جَسَدِهِ، ثُمَّ تَنَحَّى فَغَسَلَ قَدَمَيْهِ، فَنَاوَلْتُهُ خِرْقَةً، فَقَالَ بِيَدِهِ هَكَذَا، وَلَمْ يُرِدْهَا.