Musededi na ka thënë: Na ka treguar Hamadi, e ky nga Abdulazizi, e ky nga Enesi, e ky nga Junusi, e ky nga Thabiti se Enesi (Allahu qoftë i kënaqur me të!) tregon: “Në kohën e të Dërguarin e Allahut ﷺ banorët e Medinës i kaploi një thatësirë. Një ditë, teksa i Dërguari i Allahut ﷺ ishte duke ligjëruar ditën e xhuma, një beduin u ngrit dhe i tha: “O i Dërguari i Allahut! Janë shkatërruar të mbjellat dhe bagëtitë, andaj lute Allahun të na çojë shi.” Pejgamberi ﷺ i ngriti duart dhe u lut. Edhe pse në fillim qielli ishte i kthjellët (pa asnjë re), papritmas fryu një erë, e cila i tuboi ca re dhe qielli filloi të lëshojë shi. Kur dolëm jashtë, derisa shkuam në shtëpi, u bëmë qull. Shiu vazhdoi të binte gjatë tërë javës, deri në xhumanë vijuese. I njëjti beduin, ose dikush tjetër, u ngrit dhe tha: “O i Dërguari i Allahut! Na janë shkatërruar shtëpitë, andaj lute Allahun ta ndalë.” Pejgamberi ﷺ buzëqeshi dhe tha: “Çoje rreth nesh, e jo sipër nesh!” Kur i shikova retë, ishin shpërndarë rreth Medinës sikurse kurorë.”
حَدَّثَنَا مُسَدَّدٌ: حَدَّثَنَا حَمَّادٌ، عَنْ عَبْدِ الْعَزِيزِ، عَنْ أَنَسٍ، وَعَنْ يُونُسَ، عَنْ ثَابِتٍ، عَنْ أَنَسٍ - رضى الله عنه - قَالَ: أَصَابَ أَهْلَ الْمَدِينَةِ قَحْطٌ عَلَى عَهْدِ رَسُولِ اللَّهِ ﷺ، فَبَيْنَا هُوَ يَخْطُبُ يَوْمَ جُمُعَةٍ إِذْ قَامَ رَجُلٌ فَقَالَ: يَا رَسُولَ اللَّهِ، هَلَكَتِ الْكُرَاعُ، هَلَكَتِ الشَّاءُ، فَادْعُ اللَّهَ يَسْقِينَا، فَمَدَّ يَدَيْهِ وَدَعَا. - قَالَ أَنَسٌ: وَإِنَّ السَّمَاءَ كَمِثْلِ الزُّجَاجَةِ - فَهَاجَتْ رِيحٌ أَنْشَأَتْ سَحَابًا ثُمَّ اجْتَمَعَ، ثُمَّ أَرْسَلَتِ السَّمَاءُ عَزَالِيَهَا، فَخَرَجْنَا نَخُوضُ الْمَاءَ حَتَّى أَتَيْنَا مَنَازِلَنَا، فَلَمْ نَزَلْ نُمْطَرُ إِلَى الْجُمُعَةِ الأُخْرَى، فَقَامَ إِلَيْهِ ذَلِكَ الرَّجُلُ أَوْ غَيْرُهُ فَقَالَ: يَا رَسُولَ اللَّهِ، تَهَدَّمَتِ الْبُيُوتُ، فَادْعُ اللَّهَ يَحْبِسْهُ. فَتَبَسَّمَ ثُمَّ قَالَ: "حَوَالَيْنَا وَلاَ عَلَيْنَا". فَنَظَرْتُ إِلَى السَّحَابِ تَصَدَّعَ حَوْلَ الْمَدِينَةِ كَأَنَّهُ إِكْلِيلٌ.