Ubejd ibn Ismaili më ka thënë: Na ka treguar Ebu Usame, e ky nga Hisham ibn Urve, e ky nga babai i tij se Zubejri (Allahu qoftë i kënaqur me të!) tregon: “Ditën e Bedrit e takova Ubejde ibn Seid ibn Asin, të mbështjellë me rroba lufte, saqë i dukeshin vetëm sytë. Ai njihej me nofkën Ebu Dhat Kerishi, prandaj thoshte: “Unë jam Ebu Dhat Kerishi!” Kështu, e sulmova me shtizë dhe e godita në sy, nga e cila vdiq.” Hishami thotë: “Jam njoftuar se Zubejri ka thënë: “Më pas vendosa këmbën mbi të duke e kapur shtizën me dy duar dhe mezi e nxora, ndërsa maja i ishte lakuar.” Urve tregon: “I Dërguari i Allahut ﷺ ia kërkoi Zubejrit shtizën në fjalë, e ai ia dha. Kur i Dërguari i Allahut ﷺ vdiq, ai sërish e mori. Pastaj atë ia kërkoi Ebu Bekri, e ai ia dha. Kur vdiq Ebu Bekri, atë ia kërkoi Omeri, e ai ia dha. Kur vdiq Omeri, ai sërish e mori shtizën. Pastaj ia kërkoi Othmani, e ai ia dha. Kur u vra Othmani, ajo mbeti te familja e Aliut. Abdullah ibn Zubejri e kërkoi dhe ajo mbeti tek ai derisa u vra.”
حَدَّثَنِي عُبَيْدُ بْنُ إِسْمَاعِيلَ: حَدَّثَنَا أَبُو أُسَامَةَ، عَنْ هِشَامِ بْنِ عُرْوَةَ، عَنْ أَبِيهِ، قَالَ: قَالَ الزُّبَيْرُ: لَقِيتُ يَوْمَ بَدْرٍ عُبَيْدَةَ بْنَ سَعِيدِ بْنِ الْعَاصِ وَهُوَ مُدَجَّجٌ لاَ يُرَى مِنْهُ إِلاَّ عَيْنَاهُ، وَهُوَ يُكْنَى أَبُو ذَاتِ الْكَرِشِ، فَقَالَ: أَنَا أَبُو ذَاتِ الْكَرِشِ. فَحَمَلْتُ عَلَيْهِ بِالْعَنَزَةِ، فَطَعَنْتُهُ فِي عَيْنِهِ فَمَاتَ. قَالَ هِشَامٌ: فَأُخْبِرْتُ أَنَّ الزُّبَيْرَ: قَالَ لَقَدْ وَضَعْتُ رِجْلِي عَلَيْهِ ثُمَّ تَمَطَّأْتُ، فَكَانَ الْجَهْدَ أَنْ نَزَعْتُهَا وَقَدِ انْثَنَى طَرَفَاهَا. قَالَ عُرْوَةُ: فَسَأَلَهُ إِيَّاهَا رَسُولُ اللَّهِ ﷺ فَأَعْطَاهُ إِيَّاهَا، فَلَمَّا قُبِضَ رَسُولُ اللَّهِ ﷺ أَخَذَهَا، ثُمَّ طَلَبَهَا أَبُو بَكْرٍ فَأَعْطَاهُ إِيَّاهَا، فَلَمَّا قُبِضَ أَبُو بَكْرٍ سَأَلَهَا إِيَّاهُ عُمَرُ فَأَعْطَاهُ إِيَّاهَا، فَلَمَّا قُبِضَ عُمَرُ أَخَذَهَا، ثُمَّ طَلَبَهَا عُثْمَانُ مِنْهُ فَأَعْطَاهُ إِيَّاهَا، فَلَمَّا قُتِلَ عُثْمَانُ وَقَعَتْ عِنْدَ آلِ عَلِيٍّ، فَطَلَبَهَا عَبْدُ اللَّهِ بْنُ الزُّبَيْرِ، فَكَانَتْ عِنْدَهُ حَتَّى قُتِلَ.