Kutejbe na ka thënë: Na ka treguar Ismail ibn Xhaferi, e ky nga Humejdi se Enesi (Allahu qoftë i kënaqur me të!) tregon se, një ditë, Pejgamberi ﷺ pa këlbazë (brenda xhamisë) në drejtim të kiblës. Kjo e rëndoi aq shumë, saqë u vrenjt në fytyrë. U ngrit dhe e fshiu me dorën e tij, pastaj tha: “Dijeni se, kur dikush është në namaz, ai po i flet drejtpërdrejt Zotit të vet, - ose ka thënë: Zoti i tij është mes tij dhe kiblës. - Andaj, askush të mos pështyjë në drejtim të kiblës, por (mund) të pështyjë në të majtë ose nën këmbë.” E kapi skajin e ridasë së tij dhe pështyu në të, pastaj e palosi (dhe e fërkoi) e tha: “Ose të veprojë kështu.”
حَدَّثَنَا قُتَيْبَةُ قَالَ: حَدَّثَنَا إِسْمَاعِيلُ بْنُ جَعْفَرٍ، عَنْ حُمَيْدٍ، عَنْ أَنَسٍ، أَنَّ النَّبِيَّ ﷺ رَأَى نُخَامَةً فِي الْقِبْلَةِ، فَشَقَّ ذَلِكَ عَلَيْهِ حَتَّى رُئِيَ فِي وَجْهِهِ، فَقَامَ فَحَكَّهُ بِيَدِهِ فَقَالَ: "إِنَّ أَحَدَكُمْ إِذَا قَامَ فِي صَلاَتِهِ، فَإِنَّهُ يُنَاجِي رَبَّهُ - أَوْ إِنَّ رَبَّهُ بَيْنَهُ وَبَيْنَ الْقِبْلَةِ - فَلاَ يَبْزُقَنَّ أَحَدُكُمْ قِبَلَ قِبْلَتِهِ، وَلَكِنْ عَنْ يَسَارِهِ، أَوْ تَحْتَ قَدَمَيْهِ". ثُمَّ أَخَذَ طَرَفَ رِدَائِهِ فَبَصَقَ فِيهِ، ثُمَّ رَدَّ بَعْضَهُ عَلَى بَعْضٍ، فَقَالَ: "أَوْ يَفْعَلْ هَكَذَا".