Jahja ibn Bukejri na ka thënë: Më ka treguar Lejthiu, e këtij i ka treguar Halid ibn Jezidi, e ky nga Seid ibn Ebu Hilali, e ky nga Zejd ibn Eslemi, e ky nga babai i tij se Omer ibn Hatabi (Allahu qoftë i kënaqur me të!) tregon: “Në kohën e Pejgamberit ﷺ ishte një burrë që quhej Abdullah, të cilin e thërrisnin me nofkën Gomar. Ai e bënte Pejgamberin ﷺ të qeshte. Pejgamberi ﷺ e kishte ndëshkuar për shkak të konsumimit të alkoolit. Një ditë, kur ia sollën dhe urdhëroi që të ndëshkohej me goditje me kamxhik, njëri prej të pranishmëve tha: “Allahu e mallkoftë! Sa shpesh që e sjellin!” Pejgamberi ﷺ tha: “Mos e mallkoni, se betohem në Allahun se unë e di se ai e do Allahun dhe të Dërguarin e Tij!”
حَدَّثَنَا يَحْيَى بْنُ بُكَيْرٍ: حَدَّثَنِي اللَّيْثُ [قَالَ]: حَدَّثَنِي خَالِدُ بْنُ يَزِيدَ عَنْ سَعِيدِ بْنِ أَبِي هِلاَلٍ، عَنْ زَيْدِ بْنِ أَسْلَمَ، عَنْ أَبِيهِ، عَنْ عُمَرَ بْنِ الْخَطَّابِ: أَنَّ رَجُلاً عَلَى عَهْدِ النَّبِيِّ ﷺ كَانَ اسْمُهُ عَبْدَ اللَّهِ، وَكَانَ يُلَقَّبُ حِمَارًا، وَكَانَ يُضْحِكُ رَسُولَ اللَّهِ ﷺ، وَكَانَ النَّبِيُّ ﷺ قَدْ جَلَدَهُ فِي الشَّرَابِ. فَأُتِيَ بِهِ يَوْمًا فَأَمَرَ بِهِ فَجُلِدَ. قَالَ رَجُلٌ مِنَ الْقَوْمِ: اللَّهُمَّ الْعَنْهُ مَا أَكْثَرَ مَا يُؤْتَى بِهِ. فَقَالَ النَّبِيُّ ﷺ: "لاَ تَلْعَنُوهُ، فَوَاللَّهِ مَا عَلِمْتُ أَنَّهُ يُحِبُّ اللَّهَ وَرَسُولَهُ".