Abdullah ibn Muhamedi më ka thënë: Na ka treguar Hisham ibn Jusufi, e këtij i ka rrëfyer Mameri, e ky nga Zuhriu, e ky nga Salimi se Ibn Omeri (Allahu qoftë i kënaqur me ta!) tregon: “Sa ishte gjallë Pejgamberi ﷺ, unë isha një djalosh beqar dhe shpesh flija në xhami. Asokohe, kur ndokush shihte ndonjë ëndërr, ia tregonte Pejgamberit ﷺ. Unë thashë me vete: “O Allah! Nëse ke parë diçka të mirë tek unë, atëherë ma mundëso të shoh një ëndërr, të cilën do të ma shpjegojë i Dërguari i Allahut ﷺ!” Kështu, kur fjeta, pashë në ëndërr dy melekë, të cilët më morën dhe së bashku u nisëm gjetkë. Ndërkohë, një melek tjetër na takoi dhe më tha: “Mos u frikëso, se ti je njeri i mirë!” Pastaj më dërguan te Zjarri (Xhehenemi), i cili ishte i ndërtuar sikurse bunar. Aty pashë njerëz, disa prej të cilëve i njihja. Pastaj (melekët) më kapën dhe më dërguan në të djathtë. Kur u zgjova, këtë ia tregova Hafsës.”
حَدَّثَنِي عَبْدُ اللَّهِ بْنُ مُحَمَّدٍ: حَدَّثَنَا هِشَامُ بْنُ يُوسُفَ: أَخْبَرَنَا مَعْمَرٌ، عَنِ الزُّهْرِيِّ، عَنْ سَالِمٍ، عَنِ ابْنِ عُمَرَ قَالَ: كُنْتُ غُلاَمًا شَابًّا عَزَبًا فِي عَهْدِ النَّبِيِّ ﷺ وَكُنْتُ أَبِيتُ فِي الْمَسْجِدِ، وَكَانَ مَنْ رَأَى مَنَامًا قَصَّهُ عَلَى النَّبِيِّ ﷺ فَقُلْتُ: اللَّهُمَّ إِنْ كَانَ لِي عِنْدَكَ خَيْرٌ فَأَرِنِي مَنَامًا يُعَبِّرُهُ لِي رَسُولُ اللَّهِ ﷺ. فَنِمْتُ فَرَأَيْتُ مَلَكَيْنِ أَتَيَانِي فَانْطَلَقَا بِي، فَلَقِيَهُمَا مَلَكٌ آخَرُ فَقَالَ لِي: لَنْ تُرَاعَ، إِنَّكَ رَجُلٌ صَالِحٌ، فَانْطَلَقَا بِي إِلَى النَّارِ، فَإِذَا هِيَ مَطْوِيَّةٌ كَطَىِّ الْبِئْرِ، وَإِذَا فِيهَا نَاسٌ قَدْ عَرَفْتُ بَعْضَهُمْ، فَأَخَذَانِي ذَاتَ الْيَمِينِ، فَلَمَّا أَصْبَحْتُ ذَكَرْتُ ذَلِكَ لِحَفْصَةَ.