Ebu Jemani na ka thënë: Na ka rrëfyer Shuajbi, e këtij i ka treguar Ebu Zinadi, e ky nga Arexhi se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Dora e Allahut është plot, të Cilën dhënia kurrsesi nuk e pakëson. Ai lëshon mirësi në vazhdimësi, natë e ditë.” Po ashtu, ai ka thënë: “E shihni se sa ka shpenzuar që kur i ka krijuar qiejt dhe tokën?! Gjithë kjo nuk ka pakësuar asgjë ç'ka në Dorën e Tij.” Gjithashtu, ka thënë: “Arshi (Froni) i Tij ka qenë mbi ujë dhe në Dorën tjetër të Tij ndodhet Peshorja, të cilën herë e ul, herë e ngre.”
حَدَّثَنَا أَبُو الْيَمَانِ: أَخْبَرَنَا شُعَيْبٌ: حَدَّثَنَا أَبُو الزِّنَادِ، عَنِ الأَعْرَجِ، عَنْ أَبِي هُرَيْرَةَ: أَنَّ رَسُولَ اللَّهِ ﷺ قَالَ: "يَدُ اللَّهِ مَلأَى لاَ يَغِيضُهَا نَفَقَةٌ، سَحَّاءُ اللَّيْلَ وَالنَّهَارَ - وَقَالَ: - أَرَأَيْتُمْ مَا أَنْفَقَ مُنْذُ خَلَقَ السَّمَوَاتِ وَالأَرْضَ؟ فَإِنَّهُ لَمْ يَغِضْ مَا فِي يَدِهِ - وَقَالَ: ـ عَرْشُهُ عَلَى الْمَاءِ وَبِيَدِهِ الأُخْرَى الْمِيزَانُ يَخْفِضُ وَيَرْفَعُ".