Ubejdullah ibn Sad ibn Ibrahimi na ka thënë: Na ka treguar Jakubi, e këtij i ka treguar babai i tij, e ky nga Salih ibn Kejsani, e ky nga Arexhi se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Xheneti dhe Zjarri diskutuan te Zoti i tyre, e në atë rast Xheneti tha: “O Zot, ç'është puna që në Xhenet hyjnë vetëm njerëzit e dobët dhe ata që nuk vlerësohen?” Ndërkaq, Zjarri tha: “Unë jam rezervuar për mendjemëdhenjtë.” Allahu i tha Xhenetit: “Ti je mëshira Ime”, kurse Zjarrit i tha: “Ti je dënimi Im, me ty dënoj kë dua. Secili nga ju e ka mbushjen e vet.” I Dërguari i Allahut ﷺ vazhdon: “Sa i përket Xhenetit, Allahu nuk i bën padrejtësi askujt prej robërve të Vet, kurse për Zjarrin Ai do të krijojë kë të dojë dhe, kur të hidhen në të, Zjarri do të thotë: “A ka më shumë, - tri herë, - derisa Allahu ta vendosë Këmbën e Tij në të, e në atë rast Zjarri do të mbushet, ndërsa pjesët e tij shtyjnë njëra-tjetrën. Atëherë Zjarri thotë: “Mjafton! Mjafton! Mjafton!”
حَدَّثَنَا عُبَيْدُ اللَّهِ بْنُ سَعْدِ بْنِ إِبْرَاهِيمَ: حَدَّثَنَا يَعْقُوبُ: حَدَّثَنَا أَبِي، عَنْ صَالِحِ بْنِ كَيْسَانَ، عَنِ الأَعْرَجِ، عَنْ أَبِي هُرَيْرَةَ، عَنِ النَّبِيِّ ﷺ قَالَ: "اخْتَصَمَتِ الْجَنَّةُ وَالنَّارُ إِلَى رَبِّهِمَا فَقَالَتِ الْجَنَّةُ: يَا رَبِّ مَا لَهَا لاَ يَدْخُلُهَا إِلاَّ ضُعَفَاءُ النَّاسِ وَسَقَطُهُمْ؟ وَقَالَتِ النَّارُ - يَعْنِي -: أُوثِرْتُ بِالْمُتَكَبِّرِينَ. فَقَالَ اللَّهُ تَعَالَى لِلْجَنَّةِ: أَنْتِ رَحْمَتِي. وَقَالَ لِلنَّارِ: أَنْتِ عَذَابِي أُصِيبُ بِكِ مَنْ أَشَاءُ، وَلِكُلِّ وَاحِدَةٍ مِنْكُمَا مِلْؤُهَا. قَالَ: فَأَمَّا الْجَنَّةُ فَإِنَّ اللَّهَ لاَ يَظْلِمُ مِنْ خَلْقِهِ أَحَدًا، وَإِنَّهُ يُنْشِئُ لِلنَّارِ مَنْ يَشَاءُ فَيُلْقَوْنَ فِيهَا فَتَقُولُ: هَلْ مِنْ مَزِيدٍ؟ ثَلاَثًا، حَتَّى يَضَعَ فِيهَا قَدَمَهُ فَتَمْتَلِئُ وَيُرَدُّ بَعْضُهَا إِلَى بَعْضٍ وَتَقُولُ: قَطْ، قَطْ، قَطْ".