Ahmedi ka thënë: Na ka treguar babai im, e këtij i ka treguar Ibrahimi, e ky nga Haxhaxh ibn Haxhaxhi, e ky nga Katadja, e ky nga Abdullah ibn Ebu Utbe se Ebu Seid Hudriu (Allahu qoftë i kënaqur me të!) transmeton se Pejgamberi ﷺ ka thënë: “Do të vijnë për haxh dhe umre në Qabe edhe pas shfaqjes së jexhuxhëve dhe mexhuxhëve.” Transmetimin e Abdullah ibn Utbes e ka fuqizuar Ebani dhe Imrani nga Katadja. Ndërkaq, Abdurrahmani e ka transmetuar nga Shuëbe (me shprehjen) : “Kiameti nuk do të ndodhë pa u ndërprerë haxhi në Qabe.” Mirëpo, i pari është transmetuar më shumë. Katadja e ka dëgjuar Abdullah ibn Ebu Utben, ndërsa Abdullahu e ka dëgjuar Ebu Seid Hudriun.
حَدَّثَنَا أَحْمَدُ: حَدَّثَنَا أَبِي: حَدَّثَنَا إِبْرَاهِيمُ، عَنِ الْحَجَّاجِ بْنِ حَجَّاجٍ، عَنْ قَتَادَةَ، عَنْ عَبْدِ اللَّهِ بْنِ أَبِي عُتْبَةَ، عَنْ أَبِي سَعِيدٍ الْخُدْرِيِّ - رضى الله عنه - عَنِ النَّبِيِّ ﷺ قَالَ: "لَيُحَجَّنَّ الْبَيْتُ وَلَيُعْتَمَرَنَّ بَعْدَ خُرُوجِ يَأْجُوجَ وَمَأْجُوجَ". تَابَعَهُ أَبَانُ وَعِمْرَانُ عَنْ قَتَادَةَ. وَقَالَ عَبْدُ الرَّحْمَنِ عَنْ شُعْبَةَ قَالَ: "لاَ تَقُومُ السَّاعَةُ حَتَّى لاَ يُحَجَّ الْبَيْتُ". وَالأَوَّلُ أَكْثَرُ، سَمِعَ قَتَادَةُ عَبْدَ اللَّهِ بْنِ أَبِي عُتْبَةَ، وَعَبْدُ اللَّهِ سَمِعَ أَبَا سَعِيدٍ الخُدْرِيَّ.