Jahja ibn Bukejri na ka thënë: Na ka treguar Lejthiu, e ky nga Junusi, e ky nga Ibn Shihabi se Salimi tregon: “Abdullah ibn Omeri (Allahu qoftë i kënaqur me të!) i dërgonte familjarët e tij të dobët (të pafuqishëm) para të tjerëve (në Mina), këta qëndronin në vendin e shenjtë në Muzdelife gjatë natës dhe e përmendnin Allahun Fuqiplotë (dhe luteshin) aq sa kishin dëshirë. Pastaj shkonin (në Mina) para se prijësi të fillonte qëndrimin e tij (pas namazit të sabahut) dhe para se ai të largohej prej aty (Muzdelifes). Disa arrinin në Mina për namazin e sabahut, kurse disa të tjerë edhe pas kësaj. Kur arrinin (në Mina), i gjuanin gurët në xhemër.” Ibn Omeri thoshte: “I Dërguari i Allahut ﷺ ka bërë lehtësime për këta (të dobëtit).”
حَدَّثَنَا يَحْيَى بْنُ بُكَيْرٍ: حَدَّثَنَا اللَّيْثُ، عَنْ يُونُسَ، عَنِ ابْنِ شِهَابٍ: قَالَ سَالِمٌ: وَكَانَ عَبْدُ اللَّهِ بْنُ عُمَرَ - رضى الله عنهما - يُقَدِّمُ ضَعَفَةَ أَهْلِهِ، فَيَقِفُونَ عِنْدَ الْمَشْعَرِ الْحَرَامِ بِالْمُزْدَلِفَةِ بِلَيْلٍ، فَيَذْكُرُونَ اللَّهَ مَا بَدَا لَهُمْ، ثُمَّ يَرْجِعُونَ قَبْلَ أَنْ يَقِفَ الإِمَامُ، وَقَبْلَ أَنْ يَدْفَعَ، فَمِنْهُمْ مَنْ يَقْدَمُ مِنًى لِصَلاَةِ الْفَجْرِ، وَمِنْهُمْ مَنْ يَقْدَمُ بَعْدَ ذَلِكَ، فَإِذَا قَدِمُوا رَمَوُا الْجَمْرَةَ، وَكَانَ ابْنُ عُمَرَ - رضى الله عنهما - يَقُولُ: أَرْخَصَ فِي أُولَئِكَ رَسُولُ اللَّهِ ﷺ.