Halid ibn Mahledi na ka thënë: Na ka treguar Sulejmani, e këtij i ka treguar Amër ibn Jahjai, se babai i tij, Jahja Maziniu tregon: “Xhaxhai im merrte shpesh abdes. Njëherë i tha Abdullah ibn Zejdit (Allahu qoftë i kënaqur me të!): “Më trego si e ke parë Pejgamberin ﷺ duke marrë abdes.” Ai kërkoi një legen me ujë, nga i cili u qiti ujë duarve dhe i lau tri herë. Futi dorën në të dhe shpëlau gojën e hundën përnjëherësh nga tri herë me një grusht ujë. Sërish e futi dorën (në enë), duke marrë ujë me grushte dhe e lau fytyrën tri herë, pastaj i lau duart nga dy herë gjer në bërryla, e lagu dorën me ujë dhe i dha mes'h kokës, duke e përshkuar nga para-mbrapa dhe anasjelltas. Pastaj i lau edhe këmbët. Në fund tha: “Kështu e kam parë Pejgamberin ﷺ duke marrë abdes.”
حَدَّثَنَا خَالِدُ بْنُ مَخْلَدٍ قَالَ: حَدَّثَنَا سُلَيْمَانُ قَالَ: حَدَّثَنِي عَمْرُو بْنُ يَحْيَى، عَنْ أَبِيهِ قَالَ: كَانَ عَمِّي يُكْثِرُ مِنَ الْوُضُوءِ، قَالَ لِعَبْدِ اللَّهِ بْنِ زَيْدٍ: أَخْبِرْنِي كَيْفَ رَأَيْتَ النَّبِيَّ ﷺ يَتَوَضَّأُ؟ فَدَعَا بِتَوْرٍ مِنْ مَاءٍ، فَكَفَأَ عَلَى يَدَيْهِ فَغَسَلَهُمَا ثَلاَثَ مِرَارٍ، ثُمَّ أَدْخَلَ يَدَهُ فِي التَّوْرِ، فَمَضْمَضَ وَاسْتَنْثَرَ ثَلاَثَ مَرَّاتٍ مِنْ غَرْفَةٍ وَاحِدَةٍ، ثُمَّ أَدْخَلَ يَدَهُ فَاغْتَرَفَ بِهَا فَغَسَلَ وَجْهَهُ ثَلاَثَ مَرَّاتٍ، ثُمَّ غَسَلَ يَدَيْهِ إِلَى الْمِرْفَقَيْنِ مَرَّتَيْنِ مَرَّتَيْنِ، ثُمَّ أَخَذَ بِيَدِهِ مَاءً، فَمَسَحَ بِهِ رَأْسَهُ، فَأَدْبَرَ بِيَدَيْهِ وَأَقْبَلَ ثُمَّ غَسَلَ رِجْلَيْهِ، فَقَالَ: هَكَذَا رَأَيْتُ النَّبِيَّ ﷺ يَتَوَضَّأُ.