Jahja ibn Bukejri na ka thënë: Na ka treguar Lejthiu, e ky nga Abdulaziz ibn Ebu Seleme, e ky nga Abdullah ibn Fadli, e ky nga Arexhi se Ebu Hurejra (Allahu qoftë i kënaqur me të!) tregon: “Një blerës i ofroi një hebreu çmim të lirë për një mall që e kishte ekspozuar në treg dhe hebreu tha: “Jo, betohem në Atë që e ka përzgjedhur Musain ndër gjithë njerëzimin!” Një burrë ensar, kur e dëgjoi, u ngrit dhe i ra shuplakë fytyrës e iu drejtua: “Po thua: “Jo, betohem në Atë që e ka përzgjedhur Musain ndër gjithë njerëzimin!”, ndërkohë Pejgamberi ﷺ është në mesin tonë?” Kështu, hebreu shkoi te Pejgamberi ﷺ dhe i tha: “O Ebu Kasim, unë jam nën garanci dhe besë. Vallë, pse filani më bie shuplakë fytyrës?” Pejgamberi ﷺ e pyeti ensariun: “Pse i ke rënë shuplakë fytyrës?” Ai ia tregoi ndodhinë, por Pejgamberi ﷺ u zemërua aq shumë, saqë iu vrenjt fytyra dhe tha: “Mos i mbivlerësoni pejgamberët e Allahut ndaj njëri-tjetrit, sepse, kur t'i fryhet Surit, do t'i bjerë të fikët çdo gjëje në Tokë dhe në qiell, përveç atyre që Allahu i ka veçuar. Pastaj, kur i fryhet për së dyti, unë do të jem i pari që do të këndellem dhe do ta shoh Musain të kapur për Arshi. Nuk e di nëse i është llogaritur alivanosja Ditën e Turit apo është zgjuar para meje.”
حَدَّثَنَا يَحْيَى بْنُ بُكَيْرٍ، عَنِ اللَّيْثِ، عَنْ عَبْدِ الْعَزِيزِ بْنِ أَبِي سَلَمَةَ، عَنْ عَبْدِ اللَّهِ بْنِ الْفَضْلِ، عَنِ الأَعْرَجِ، عَنْ أَبِي هُرَيْرَةَ - رضى الله عنه - قَالَ: بَيْنَمَا يَهُودِيٌّ يَعْرِضُ سِلْعَتَهُ أُعْطِيَ بِهَا شَيْئًا كَرِهَهُ. فَقَالَ: لاَ وَالَّذِي اصْطَفَى مُوسَى عَلَى الْبَشَرِ، فَسَمِعَهُ رَجُلٌ مِنَ الأَنْصَارِ فَقَامَ، فَلَطَمَ وَجْهَهُ، وَقَالَ: تَقُولُ: وَالَّذِي اصْطَفَى مُوسَى عَلَى الْبَشَرِ، وَالنَّبِيُّ ﷺ بَيْنَ أَظْهُرِنَا؟ فَذَهَبَ إِلَيْهِ، فَقَالَ: أَبَا الْقَاسِمِ، إِنَّ لِي ذِمَّةً وَعَهْدًا، فَمَا بَالُ فُلاَنٍ لَطَمَ وَجْهِي؟ فَقَالَ: "لِمَ لَطَمْتَ وَجْهَهُ؟" فَذَكَرَهُ، فَغَضِبَ النَّبِيُّ ﷺ حَتَّى رُئِيَ فِي وَجْهِهِ، ثُمَّ قَالَ: "لاَ تُفَضِّلُوا بَيْنَ أَنْبِيَاءِ اللَّهِ، فَإِنَّهُ يُنْفَخُ فِي الصُّورِ، فَيَصْعَقُ مَنْ فِي السَّمَوَاتِ وَمَنْ فِي الأَرْضِ، إِلاَّ مَنْ شَاءَ اللَّهُ، ثُمَّ يُنْفَخُ فِيهِ أُخْرَى، فَأَكُونُ أَوَّلَ مَنْ بُعِثَ فَإِذَا مُوسَى آخِذٌ بِالْعَرْشِ، فَلاَ أَدْرِي أَحُوسِبَ بِصَعْقَتِهِ يَوْمَ الطُّورِ أَمْ بُعِثَ قَبْلِي".