Omer ibn Hafsi na ka thënë: Na ka treguar babai im, e këtij i ka treguar Ameshi, e këtij i ka treguar Ibrahimi se Esvedi tregon: “Teksa ishim ulur rreth Abdullah ibn Mesudit, Hudhejfe (Allahu qoftë i kënaqur me të!) erdhi, u ndal te ne dhe, pasi na dha selam, tha: “Hipokrizia pati zbritur në mesin e një populli më të mirë se ju.” Unë thashë: “Subhanallah (i lartësuar qoftë Allahu)! Allahu thotë: “Pa dyshim që hipokritët do të jenë në thellësinë më të madhe të Xhehenemit...” (Nisa, 145) Abdullahu buzëqeshi, kurse Hudhejfe shkoi në një qoshe të xhamisë. Abdullahu u largua dhe njerëzit rreth tij u shpërndanë. Hudhejfe më gjuajti me një guralec dhe, kur i shkova pranë, më tha: “Çuditem me buzëqeshjen e tij, përderisa e kuptoi atë që thashë. Hipokrizia pati zbritur në mesin e një populli më të mirë se ju, por pastaj u penduan dhe Allahu ua pranoi pendimin.”
حَدَّثَنَا عُمَرُ بْنُ حَفْصٍ: حَدَّثَنَا أَبِي: حَدَّثَنَا الأَعْمَشُ قَالَ: حَدَّثَنِي إِبْرَاهِيمُ عَنِ الأَسْوَدِ قَالَ: كُنَّا فِي حَلْقَةِ عَبْدِ اللَّهِ، فَجَاءَ حُذَيْفَةُ حَتَّى قَامَ عَلَيْنَا، فَسَلَّمَ ثُمَّ قَالَ: لَقَدْ أُنْزِلَ النِّفَاقُ عَلَى قَوْمٍ خَيْرٍ مِنْكُمْ. قَالَ الأَسْوَدُ: سُبْحَانَ اللَّهِ! إِنَّ اللَّهَ يَقُولُ: ﴿إِنَّ الْمُنَافِقِينَ فِي الدَّرَكِ الأَسْفَلِ مِنَ النَّارِ﴾ [النِسَاءُ: ١٤٥] فَتَبَسَّمَ عَبْدُ اللَّهِ وَجَلَسَ حُذَيْفَةُ فِي نَاحِيَةِ الْمَسْجِدِ. فَقَامَ عَبْدُ اللَّهِ فَتَفَرَّقَ أَصْحَابُهُ، فَرَمَانِي بِالْحَصَا، فَأَتَيْتُهُ فَقَالَ حُذَيْفَةُ: عَجِبْتُ مِنْ ضَحِكِهِ، وَقَدْ عَرَفَ مَا قُلْتُ. لَقَدْ أُنْزِلَ النِّفَاقُ عَلَى قَوْمٍ كَانُوا خَيْرًا مِنْكُمْ، ثُمَّ تَابُوا فَتَابَ اللَّهُ عَلَيْهِمْ.