Abdullah ibn Mesleme na ka thënë: Na ka treguar Abdulaziz ibn Ebu Hazimi se Seleme ibn Dinari tregon: “Një njeri shkoi te Sehël ibn Sadi dhe tha: “Filani, - prijësi i Medinës, - po e përmend Aliun (me emër përbuzës) në minber.” - Çfarë thotë? - pyeti Sehli. - E quan Ebu Turab (babai i dheut), - tha pyetësi. Sehli qeshi dhe tha: “Betohem në Allahun se kështu e ka quajtur Pejgamberi ﷺ, emër ky i cili njëherazi ka qenë më i dashuri për Aliun. Kërkova prej tij të ma rrëfejë tregimin, duke i thënë: “O Ebu Abas, si ka ngjarë kjo?” Ai tha: “(Një ditë) Aliu hyri te Fatimja, e pastaj doli dhe u shtri në xhami. Pejgamberi ﷺ (shkoi te Fatimja dhe) pyeti: “Ku është djali i axhës tënd?” - Në xhami, - iu përgjigj Fatimja. Kështu, ai shkoi tek Aliu dhe pa se i kishte rënë rroba e epërme nga shpina, kurse dheu i ishte ngjitur në shpinë. Pejgamberi ﷺ ia fshiu dheun prej shpinës së tij dhe i tha dy herë: “Ulu, o Ebu Turab (baba i dheut)! ”
حَدَّثَنَا عَبْدُ اللَّهِ بْنُ مَسْلَمَةَ: حَدَّثَنَا عَبْدُ الْعَزِيزِ بْنُ أَبِي حَازِمٍ، عَنْ أَبِيهِ: أَنَّ رَجُلاً جَاءَ إِلَى سَهْلِ بْنِ سَعْدٍ فَقَالَ: هَذَا فُلاَنٌ - لأَمِيرِ الْمَدِينَةِ - يَدْعُو عَلِيًّا عِنْدَ الْمِنْبَرِ. قَالَ: فَيَقُولُ: مَاذَا قَالَ؟ قَالَ: يَقُولُ لَهُ: أَبُو تُرَابٍ. فَضَحِكَ قَالَ: وَاللَّهِ مَا سَمَّاهُ إِلاَّ النَّبِيُّ ﷺ، وَمَا كَانَ لَهُ اسْمٌ أَحَبَّ إِلَيْهِ مِنْهُ. فَاسْتَطْعَمْتُ الْحَدِيثَ سَهْلاً، وَقُلْتُ: يَا أَبَا عَبَّاسٍ كَيْفَ ذَلِكَ؟ قَالَ: دَخَلَ عَلِيٌّ عَلَى فَاطِمَةَ ثُمَّ خَرَجَ فَاضْطَجَعَ فِي الْمَسْجِدِ، فَقَالَ النَّبِيُّ ﷺ: "أَيْنَ ابْنُ عَمِّكِ؟" قَالَتْ: فِي الْمَسْجِدِ. فَخَرَجَ إِلَيْهِ فَوَجَدَ رِدَاءَهُ قَدْ سَقَطَ عَنْ ظَهْرِهِ، وَخَلَصَ التُّرَابُ إِلَى ظَهْرِهِ، فَجَعَلَ يَمْسَحُ التُّرَابَ عَنْ ظَهْرِهِ فَيَقُولُ: "اجْلِسْ يَا أَبَا تُرَابٍ". مَرَّتَيْنِ.