Othman ibn Ebu Shejbe na ka thënë: Na ka treguar Xheriri, e ky nga Mensuri, e ky nga Ibrahimi, e ky nga Abide se Abdullahu (Allahu qoftë i kënaqur me të!) transmeton se Pejgamberi ﷺ ka thënë: “Unë e di cili është banori i fundit që do të dalë prej Zjarrit, njëkohësisht banori i fundit që do të hyjë në Xhenet. Ai është një burrë që del prej Zjarrit duke u zvarritur, e në atë rast Allahu i thotë: “Shko dhe futu në Xhenet!” Kur shkon atje, i duket sikur është mbushur, andaj kthehet dhe thotë: “O Zot! E gjeta të mbushur!” Allahu i thotë: “Shko dhe hyr në Xhenet, se ti do të kesh dhjetëfish sa dynjaja me çfarë ka në të, ose: do të kesh sa dhjetë herë dynjaja.” Ai thotë: “Po tallesh me mua?!” Ose: “Po bën shaka me mua, ndërkohë që Ti je Mbreti?” Abdullah ibn Mesudi tregon: “E pashë të Dërguarin e Allahut ﷺ duke qeshur, saqë iu dukën edhe dhëmballët.” Transmetuesi thotë: “Thuhej: “Ky do të jetë banori me gradën më të ulët në Xhenet.”
حَدَّثَنَا عُثْمَانُ بْنُ أَبِي شَيْبَةَ: حَدَّثَنَا جَرِيرٌ، عَنْ مَنْصُورٍ، عَنْ إِبْرَاهِيمَ، عَنْ عَبِيدَةَ، عَنْ عَبْدِ اللَّهِ - رضى الله عنه -: قَالَ النَّبِيُّ ﷺ: "إِنِّي لَأَعْلَمُ آخِرَ أَهْلِ النَّارِ خُرُوجًا مِنْهَا، وَآخِرَ أَهْلِ الْجَنَّةِ دُخُولاً، رَجُلٌ يَخْرُجُ مِنَ النَّارِ حَبْوًا، فَيَقُولُ اللَّهُ: اذْهَبْ فَادْخُلِ الْجَنَّةَ. فَيَأْتِيهَا فَيُخَيَّلُ إِلَيْهِ أَنَّهَا مَلأَى، فَيَرْجِعُ فَيَقُولُ: يَا رَبِّ وَجَدْتُهَا مَلأَى. فَيَقُولُ: اذْهَبْ فَادْخُلِ الْجَنَّةَ، فَإِنَّ لَكَ مِثْلَ الدُّنْيَا وَعَشَرَةَ أَمْثَالِهَا. - أَوْ إِنَّ لَكَ مِثْلَ عَشَرَةِ أَمْثَالِ الدُّنْيَا -. فَيَقُولُ: أَتَسْخَرُ مِنِّي، أَوْ تَضْحَكُ مِنِّي وَأَنْتَ الْمَلِكُ؟". فَلَقَدْ رَأَيْتُ رَسُولَ اللَّهِ ﷺ ضَحِكَ حَتَّى بَدَتْ نَوَاجِذُهُ، وَكَانَ يُقَالُ: ذَلِكَ أَدْنَى أَهْلِ الْجَنَّةِ مَنْزِلَةً.