Sahihu i Buhariut — Hadithi 1222
18. Nënkapitulli: Nëse njeriu e ka mendjen gjetkë gjatë namazit
Omeri ka thënë: "Mua më ndodh (të inspirohem si) ta përgatis ushtrinë duke qenë në namaz."
1222. Nga: Ebu Hurejra
Jahja ibn Bukejri na ka thënë: Na ka treguar Lejthiu, e ky nga Xhaferi, e ky nga Arexhi se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Kur të thirret ezani për namaz, shejtani largohet duke liruar gazra me zë, që të mos e dëgjojë ezanin. Pasi të kryhet ezani, kthehet (dhe qëndron) derisa të thirret ikameti, e në atë rast ikën sërish. Pas ikametit, kthehet përsëri duke i thënë njeriut vazhdimisht: “Kujto (këtë e atë)”, gjëra këto që nuk i kujtoheshin më herët, derisa njeriu nuk di se sa rekate ka falur.”
Ebu Seleme ibn Abdurrahmani tregon se e ka dëgjuar Ebu Hurejrën duke thënë: “Nëse ndokujt i ndodh diçka e tillë, le t'i bëjë dy sexhde duke qenë ulur.”