Sahihu i Buhariut — Hadithi 1223
18. Nënkapitulli: Nëse njeriu e ka mendjen gjetkë gjatë namazit
Omeri ka thënë: "Mua më ndodh (të inspirohem si) ta përgatis ushtrinë duke qenë në namaz."
1223. Nga: Ebu Hurejra
Muhamed Muthena na ka thënë: Na ka treguar Othman ibn Omeri, e këtij i ka rrëfyer Ibn Ebu Dhiëbi, e ky nga Seid Makburi se Ebu Hurejra (Allahu qoftë i kënaqur me të!) ka thënë: “Njerëzit po thonë se Ebu Hurejra e ka tepruar (duke transmetuar hadithe). Kështu, pata takuar një person dhe e pata pyetur:
- Çfarë këndoi mbrëmë i Dërguari i Allahut ﷺ në namazin e jacisë?
- Nuk e di, më tha.
- A nuk ishe i pranishëm në namaz? - e pyeta.
- Po, isha.
- Unë e di mirëfilli. Ka lexuar këtë e atë sure, - i thashë.”
Referenca: Sahihu i Buhariut 1223
Fjalë të panjohura?