Sahihu i Buhariut — Hadithi 141
8. Nënkapitulli: Të thënët ‘bismilah’ në fillim të çdo veprimi, madje edhe para intimitetit bashkëshortor
141. Nga: Abdullah ibn Abasi
Ali ibn Abdullahu na ka thënë: Na ka treguar Xheriri, e ky nga Mensuri, e ky nga Salim ibn Ebu Xhadi, e ky nga Kurejbi se Ibn Abasi (Allahu qoftë i kënaqur me të!) transmeton se Pejgamberi ﷺ ka thënë: “Kur dikush prej jush i afrohet bashkëshortes së vet (për intimitet) dhe thotë: “Bismilah, Allahume xhenibna shejtane ve xhenibi shejtane ma razaktena (Me emrin e Allahut. O Allah, largoje shejtanin prej nesh dhe largoje prej pasardhësit tonë), nëse u është caktuar të begatohen me fëmijë, atëherë ai (shejtani) nuk do të mund ta dëmtojë atë.”