Sahihu i Buhariut — Hadithi 161
25. Nënkapitulli: Fryrja e hundëve gjatë abdesit
E kanë përmendur Othmani, Abdullah ibn Zejdi dhe Abdullah ibn Abasi nga Pejgamberi ﷺ.
161. Nga: Ebu Hurejra
Abdani na ka thënë: Na ka rrëfyer Abdullahu, e këtij i ka rrëfyer Junusi nga Zuhriu, e këtij i ka rrëfyer Ebu Idrisi se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Ai që merr abdes, le të shpëlajë hundën, ndërsa ai që pastrohet me gurë nga jashtëqitja, le ta bëjë në numër tek.”