Sahihu i Buhariut — Hadithi 170
33. Nënkapitulli: Uji me të cilin njeriu mund t'i lajë flokët
Atai thotë se nuk ka problem nëse prej flokësh bëhen penj dhe litarë ose nëse merret abdes prej surit të (ujit të mbetur nga pirja e) qenit, si dhe nuk prish punë nëse qeni kalon nëpër xhami. Zuhriu thotë: "Nëse qeni lëpin ndonjë enë, ndërkohë nuk ka ujë tjetër përveç ujit në fjalë, uji i tillë lejohet të shfrytëzohet për abdes." Sufjani (duke e komentuar fjalën e Zuhriut) thotë: "Ja, kështu kuptohet feja, prej fjalës së Allahut ﷻ: “... e nëse nuk gjeni ujë, atëherë merrni tejemum...” (Nisa, 43) Pra, (nënkupton që, edhe pse në atë ujë ka pirë qeni), ai ende cilësohet si ujë, (andaj ka përparësi kundrejt tejemumit)." (Buhariu thotë:) "Por, unë kam rezerva për këtë mendim, prandaj duhet të merr abdes dhe pastaj tejemum."
170. Nga: Muhamed ibn Sirini
Malik ibn Ismaili na ka thënë: Na ka treguar Israili, e ky nga Asimi se Ibn Sirini (Allahu qoftë i kënaqur me të!) tregon: “I thashë Abides: “Ne kemi disa qime të Pejgamberit ﷺ, të cilat na i ka lënë Enesi, - ose ka thënë: familja e Enesit.” Abidja ia ktheu: “Të kem një qime të Pejgamberit ﷺ, për mua është më e dashur sesa tërë dynjaja dhe ç'ka në të.”