Sahihu i Buhariut — Hadithi 2062
9. Nënkapitulli: Dalja për tregti
Allahu i Madhërishëm ka thënë: “... atëherë shpërndahuni nëpër tokë, kërkoni nga mirësitë e Allahut...” (Xhumua, 10)
2062. Nga: Ebu Musa Eshariu
Muhamed ibn Selami na ka thënë: “Na ka rrëfyer Mahled ibn Jezidi, e këtij i ka rrëfyer Ibn Xhurejxhi, e këtij i ka rrëfyer Atai se Ubejd ibn Umejri tregon se Ebu Musa Eshariu (Allahu qoftë i kënaqur me të!) i kërkoi leje Omerit për të hyrë, por ai nuk e lejoi, - dukej se ishte i zënë, - kështu që Ebu Musai u kthye. Pasi Omeri u lirua, tha:
- A mos e dëgjova zërin e Abdullah ibn Kajsit? Jepni leje të hyjë.
- Ka shkuar, - i thanë.
Kështu, Omeri e thirri e Ebu Musain dhe i tha:
- Kështu jemi urdhëruar (të veprojmë).
- Më sill një argument për këtë, - i tha Omeri.
Ebu Musai shkoi te një ndejë të ensarëve dhe i pyeti.
- Rreth kësaj çështjeje për ty le të dëshmojë më i vogli prej nesh, Ebu Seid Hudriu, - thanë ata (duke u habitur se si Omeri nuk e dinte këtë gjë kaq të njohur në mesin e njerëzve).
Ebu Musai shkoi me Ebu Seid Hudriun (tek Omeri dhe, pasi i treguan), Omeri tha: “Vallë, më paska ikur kjo gjë prej praktikës së të Dërguarit të Allahut ﷺ? Më ka hutuar tregtia nëpër tregje.” Aludonte në daljen për të bërë tregti.