Sahihu i Buhariut — Hadithi 2079
19. Nënkapitulli: Kur dy palët në tregti i sqarojnë gjërat dhe nuk fshehin asgjë, por janë transparentë ndaj njëri-tjetrit
Ada ibn Halidi tregon: Pejgamberi ﷺ më shkroi një letër, ku thoshte: “Kjo është tregti mes Muhamedit, të Dërguarit të Allahut ﷺ dhe Ada ibn Halidit, shitblerje mes dy muslimanësh, pa i fshehur të metat, pa maskarallëqe dhe pa dallavere." Ibrahim Nehaiun e kanë pyetur se disa tregtarë i emërojnë vathat e tyre me emra krahinash: "Horasan, Sixhistan etj. dhe thonë: "Dje sa ka ardhur prej Horasanit, sot sa ka ardhur prej Sixhistanit. Ibrahim Nehaiu e urreu së tepërmi këtë veprim." Ukbe ibn Amiri thotë: "Askujt nuk i lejohet të shesë një produkt me mangësi pa i treguar blerësit (për mangësitë)."
2079. Nga: Hakim ibn Hizami
Sulejman ibn Harbi na ka thënë: Na ka treguar Shuëbe, e ky nga Katadja, e ky nga Salih Ebu Halili, e ky nga Abdullah ibn Harithi se Hakim ibn Hizami (Allahu qoftë i kënaqur me të!) transmeton se i Dërguari i Allahut ﷺ ka thënë: “Të dy shitblerësit janë të lirë ta ndryshojnë kontratën shitblerëse përderisa nuk janë ndarë, - ose ka thënë: derisa të ndahen -. Nëse tregohen të sinqertë dhe i sqarojnë gjërat mes vete, u begatohet tregtia. Por, nëse i fshehin gjërat dhe gënjejnë, zhduket begatia në tregtinë e tyre.”