Sahihu i Buhariut — Hadithi 2094

Kutejbe ibn Seidi na ka thënë: Na ka treguar Abdulazizi se Ebu Hazimi tregon se disa njerëz vajtën dhe e pyetën Sehël ibn Sadin (Allahu qoftë i kënaqur me të!) rreth minberit (të Pejgamberit ﷺ). Ai tha: “I Dërguari i Allahut ﷺ dërgoi dikë te filania, - një grua së cilës Sehli ia përmendi emrin, - dhe i tha: “Urdhëroje shërbëtorin tënd zdrukthëtar të m'i punojë ca shkallë (të minberit), që të hipi e të ulem mbi to kur u ligjëroj njerëzve.” Kështu, ajo e urdhëroi shërbëtorin që t'ia punonte prej drurëve të Gabës. Pasi ia dërgoi, i Dërguari i Allahut ﷺ urdhëroi të vendoseshin dhe u ul mbi to.”