Sahihu i Buhariut — Hadithi 2149
64. Nënkapitulli: Ndalesa e shitjes së kafshës së cilës i është akumuluar qumështi qëllimisht (për mashtrimin e blerësit), qoftë deve, lopë, dele ose diç tjetër
Fjala është për kafshët të cilave qëllimisht u akumulohet dhe u grumbullohet qumështi artificialisht në gji, që t'i tubohet, dhe nuk milet disa ditë rresht.
2149. Nga: Abdullah ibn Mesudi
Musededi na ka thënë: Na ka treguar Mutemiri, e ky e ka dëgjuar babanë e tij, e këtij i ka treguar Ebu Othmani se Abdullah ibn Mesudi (Allahu qoftë i kënaqur me ta!) ka thënë: “Ai që blen ndonjë dele së cilës ia kanë grumbulluar qumështin qëllimisht e pastaj ia kthen (shitësit), me të le të kthejë edhe një saë hurma. Pejgamberi ﷺ ka ndaluar blerjen e mallrave prej karvanëve para se të arrijnë në treg.”