Sahihu i Buhariut — Hadithi 2282
20. Nënkapitulli: Të ardhurat e lavires dhe robëreshës
Ibrahim Nehaiu e ndalonte pagesën e vajtueses dhe këngëtares. Allahu i Madhërishëm thotë: “Mos i detyroni skllavet tuaja të bëjnë kurvëri, që të arrini ju dobi të përkohshme të kësaj bote, nëse ato dëshirojnë jetë të ndershme. Nëse ndokush i detyron ato, Allahu do të jetë Falës dhe Mëshirëplotë për to.” (Nur, 33)
2282. Nga: Ebu Mesud Bedriu
Kutejbe na ka thënë: Na ka treguar Maliku, e ky nga Ibn Shihabi, e ky nga Ebu Bekër ibn Abdurrahman ibn Harith ibn Hishami se Ebu Mesud Ensariu (Allahu qoftë i kënaqur me të!) tregon se i Dërguari i Allahut ﷺ ka ndaluar tregtimin e qenit, pagesën e lavires dhe pagimin e falltarit.