Sahihu i Buhariut — Hadithi 2285
22. Nënkapitulli: Nëse toka jepet me qira, ndërkohë vdes qiradhënësi apo qiramarrësi
Ibn Sirini ka thënë: "Nuk i lejohet familjes së qiradhënësit ta largojnë qiramarrësin pa përfunduar kontrata e qirasë. Hakemi, Haseni dhe Ijas ibn Muaviu kanë thënë: "Qiraja vazhdohet deri në përfundim të afatit të kontraktuar." Ibn Omeri ka thënë: "Pejgamberi ﷺ e ka dhënë Hajberin me qira. Kështu ka qëndruar në kohën e Pejgamberit ﷺ, Ebu Bekrit dhe në fillim të hilafetit të Omerit. Nuk përmendet se Ebu Bekri e ka rinovuar kontratën e qirasë pas vdekjes së Pejgamberit ﷺ."
2285. Nga: Abdullah ibn Omeri
Musa ibn Ismaili na ka thënë: Na ka treguar Xhuvejri ibn Esma, e ky nga Nafiu se Abdullahu (Allahu qoftë i kënaqur me të!) tregon se i Dërguari i Allahut ﷺ ua ka dhënë hebrenjve Hajberin për ta punuar dhe për ta mbjellë, me kusht që ta mbajnë një pjesë të produkteve. Po ashtu Ibn Omeri i ka treguar Nafiut se në atë kohë arat jepeshin me qira në shkëmbim të një përqindjeje që Nafiu e ka përmendur, por unë nuk e mbaj në mend.