Sahihu i Buhariut — Hadithi 2302
3. Nënkapitulli: Autorizimi në këmbim të parave dhe peshim
Tregohet se Omeri dhe Ibn Omeri kanë autorizuar dikë tjetër në këmbim të parave.
2302. Nga: Ebu Seid Hudriu - Ebu Hurejra
2302, 2303 - Abdullah ibn Jusufi na ka thënë: Na ka rrëfyer Maliku, e ky nga Abdulmexhid ibn Suhejl ibn Abdurrahman ibn Aufi, e ky nga Seid ibn Musejebi se Ebu Seid Hudriu dhe Ebu Hurejra (Allahu qoftë i kënaqur me ta!) transmetojnë se i Dërguari i Allahut ﷺ caktoi dikë për udhëheqës në Hajber, i cili, më pas, solli hurma të majme dhe Pejgamberi ﷺ i tha:
- “A janë të gjitha hurmat e Hajberit kështu?”
- Një saë hurma të këtilla i blejmë (duke i këmbyer) me dy saë hurma (të dobëta) dhe dy saë me tri, - iu përgjigj ai.
- “Mos vepro kështu, por hurmat e dobëta shiti me dërhemë, pastaj me dërhemë bli hurma të majme”, - ia ktheu Pejgamberi ﷺ.
Njëjtë ka thënë edhe për peshim.