Sahihu i Buhariut — Hadithi 2401
13. Nënkapitulli: Huadhënësi ka të drejtë të kërkojë borxhin e tij kur të dojë
Theksohet se Pejgamberi ﷺ ka thënë: “Shpërfillja që i pasuri i bën kthimit të borxhit, bëhet shkak për cenimin e nderit dhe dënimin e tij.” Sufjani ka thënë: "Cenimi i nderit nënkupton kur huadhënësi i thotë në vazhdimësi: "Po e shpërfill kthimin e borxhit. Ndërkaq, dënimi i tij nënkupton të burgoset."
2401. Nga: Ebu Hurejra
Musededi na ka thënë: Na ka treguar Jahjai, e ky nga Shuëbe, e ky nga Seleme, e ky nga Ebu Seleme se Ebu Hurejra (Allahu qoftë i kënaqur me të!) tregon se një burrë erdhi te Pejgamberi ﷺ duke i kërkuar me ashpërsi t'i kthejë një borxh. Sahabët deshën ta kapnin, por Pejgamberi ﷺ u tha: “Lëreni, sepse huadhënësi ka të drejtë të kërkojë borxhin e tij kur të dojë.”