Sahihu i Buhariut — Hadithi 2402
14. Nënkapitulli: Nëse dikush e gjen pasurinë e vet tek i falimentuari, të cilën ai, ose e ka marrë nëpërmjet blerjes veresie, ose nëpërmjet borxhit ose i është lënë nën përkujdesje, ka përparësi për ta marrë
Haseni ka thënë: Nëse vërehet qartë se ka falimentuar, nuk i lejohet as të lirojë rob (nëse posedon ndonjë të tillë), as të shesë e as të blejë. Seid ibn Musejebi ka thënë: "Othmani gjykoi në këtë formë: pra, kush arrin ta marrë pasurinë e vet para se borxhliu të falimentojë, atij i takon ajo që ka marrë. Ndërkaq, ai që e gjen produktin a gjësendin e vet (tek i falimentuari), ka përparësi për ta marrë."
2402. Nga: Ebu Hurejra
Ahmed ibn Junusi na ka thënë: Na ka treguar Zuhejri, e këtij i ka treguar Jahja ibn Seidi, e këtij i ka rrëfyer Ebu Bekër ibn Muhamed ibn Amër ibn Hazmi, e këtij i ka treguar Omer ibn Abdulazizi, e këtij i ka rrëfyer Ebu Bekër ibn Abdurrahman ibn Harith ibn Hishami se Ebu Hurejra (Allahu qoftë i kënaqur me të!) transmeton se e ka dëgjuar të Dërguarin e Allahut ﷺ duke thënë: “Ai që e gjen gjësendin e vet te një burrë, - ose ka thënë: njeri, - që ka falimentuar, ka përparësi që ta marrë atë kundrejt dikujt tjetër.”
Referenca: Sahihu i Buhariut 2402
Fjalë të panjohura?