Sahihu i Buhariut — Hadithi 2404
17. Nënkapitulli: Dhënia hua apo shitblerja veresie me afat të caktuar
Ibn Omeri, për dhënien hua me afat të caktuar, ka thënë: "Nuk prish punë, edhe nëse i kthen dërhemë më të vlefshëm sesa që i ka dhënë, përderisa fillimisht nuk kushtëzohet." Atai dhe Amër ibn Dinari kanë thënë: "Huaja duhet të kthehet në afatin e caktuar."
2404. Nga: Ebu Hurejra
Lejthiu na ka thënë: Më ka treguar Xhafer ibn Rebia, e ky nga Abdurrahman ibn Hurmuzi se Ebu Hurejra (Allahu qoftë i kënaqur me të!) tregon se i Dërguari i Allahut ﷺ rrëfeu ngjarjen e një personi prej benu israilëve që kishte kërkuar hua prej një tjetri, po nga benu israilët, dhe ky i dyti ia kishte huazuar me afat të caktuar. Në vijim përmendi hadithin të plotë.