Sahihu i Buhariut — Hadithi 2412
1. Nënkapitulli: Transmetimet e përmendura rreth sjelljes së dikujt para gjykatësit dhe rreth konflikteve mes muslimanëve e hebrenjve
2412. Nga: Ebu Seid Hudriu
Musa ibn Ismaili na ka thënë: Na ka treguar Vuhejbi, e këtij i ka treguar Amër ibn Jahjai, e ky nga babai i tij se Ebu Seid Hudriu (Allahu qoftë i kënaqur me të!) tregon: “Teksa i Dërguari i Allahut ﷺ ishte duke ndenjur, erdhi një hebre dhe i tha:
- O Ebu Kasim, një shok yti më ra shuplakë fytyrës.
- “Cili?” - e pyeti Pejgamberi ﷺ.
- Një ensar.
- “Thirrma këtu! - i tha Pejgamberi ﷺ, pastaj e pyeti muslimanin: - “I ke rënë shuplakë?”
- E dëgjova në treg të betohet duke thënë: “Betohem në Atë që e ka përzgjedhur Musain ndaj gjithë njerëzimit.” I thashë: “O i prishur, a edhe ndaj Muhamedit ﷺ?!” Atëherë më kaploi mllefi dhe i rashë shuplakë fytyrës, - tha ensariu.
- “Mos i mbivlerësoni pejgamberët kundrejt njëri-tjetrit, se, kur njerëzve t'u bjerë të fikët Ditën e Kiametit, unë do të jem i pari që do të përmendem. Atëherë do ta shoh Musain të kapur për një shtyllë të Arshit. Nuk di nëse edhe atij i ka rënë të fikët apo është mjaftuar me herën e parë që i kishte rënë të fikët (kur kishte kërkuar ta shihte Allahun sa ishte gjallë).”