Sahihu i Buhariut — Hadithi 2420
5. Nënkapitulli: Dëbimi i mëkatarëve dhe ngatërrestarëve nga shtëpitë pasi të qartësohet puna tyre
Omeri e ka dëbuar motrën e Ebu Bekrit për shkak të vajtimit.
2420. Nga: Ebu Hurejra
Muhamed ibn Beshari na ka thënë: Na ka treguar Muhamed ibn Ebu Adiu, e ky nga Shuëbe, e ky nga Sad ibn Ibrahimi, e ky nga Humejd ibn Abdurrahmani se Ebu Hurejra (Allahu qoftë i kënaqur me të!) transmeton se Pejgamberi ﷺ ka thënë: “Më ka shkuar mendja të urdhëroj dikë t'u prijë njerëzve në namaz, ndërsa vetë të shkoj në shtëpitë e disave që nuk prezantojnë në namaz me xhemat dhe t'ua djeg shtëpitë.”