Sahihu i Buhariut — Hadithi 2433
7. Nënkapitulli: Si njoftohet për gjësendet e gjetura në Mekë?
Tavusi transmeton nga Ibn Abasi se Pejgamberi ﷺ ka thënë: “Nuk e merr gjënë e humbur në Mekë dikush që nuk synon të njoftojë për të.” Halidi transmeton nga Ikrime, e ky nga Ibn Abasi se Pejgamberi ﷺ ka thënë: “Nuk e merr gjënë e gjetur në Mekë, përveçse ai që synon të njoftojë për të.”
2433. Nga: Abdullah ibn Abasi
Ahmed ibn Seidi na ka thënë: Na ka treguar Revhu, e këtij i ka treguar Zekerija, e këtij i ka treguar Amër ibn Dinari, e ky nga Ikrime se Ibn Abasi (Allahu qoftë i kënaqur me të!) transmeton se i Dërguari i Allahut ﷺ ka thënë: “Në Mekë nuk lejohet prerja e pemëve, as trazimi i kafshëve, as e merr gjënë e gjetur, përveçse ai që synon të njoftojë për të ndër njerëz, si dhe nuk shkulen gjembat.” Atëherë Abasi i tha:
- O i Dërguari i Allahut, përveç idhhirit?
- “Përveç idhhirit”, - tha Pejgamberi ﷺ.