Sahihu i Buhariut — Hadithi 2477
32. Nënkapitulli: A thyhen brokat dhe a shqyhen calikët që mbajnë alkool? Nëse thyhet ndonjë idhull, kryq, mjet muzikor a diç, druri i të cilit nuk hyn në punë, a duhet shpaguar?
Shurejhut iu soll një mjet muzikor i thyer, ndërkohë ai nuk gjykoi për t'u bërë shpagimi i tij.
2477. Nga: Seleme ibn Ekvai
Ebu Asim Dahak ibn Mahledi na ka thënë: Na ka treguar Jezid ibn Ebu Ubejdi se Seleme ibn Ekvai (Allahu qoftë i kënaqur me të!) tregon se Pejgamberi ﷺ pa disa zjarre duke u ndezur ditën e Hajberit, andaj pyeti:
- “Përse janë ndezur këto zjarre?”
- Janë duke zier mishin e gomarëve, - i thanë.
- “Derdhini dhe thyeni enët!”
- A mund t'i derdhim dhe t'i pastrojmë (në vend se t'i thyejmë)?
- “Pastrojini!” - u tha Pejgamberi ﷺ.