Sahihu i Buhariut — Hadithi 2490
4. Nënkapitulli: Ngrënia e dy e më shumë hurmave përnjëherësh nga ena e përbashkët me të tjerët, duke u kërkuar leje të pranishmëve
2490. Nga: Abdullah ibn Omeri
Ebu Velidi na ka thënë: Na ka treguar Shuëbe se Xhebele tregon: “Kur ishim në Medinë, na kaploi një skamje. Andaj, Ibn Zubejri na sillte hurma. Kur Ibn Omeri (Allahu qoftë i kënaqur me të!) kalonte pranë nesh, na thoshte: “Pejgamberi ﷺ ka ndaluar ngrënien e dy e më shumë hurmave përnjëherësh, përveç nëse i kërkon leje vëllait të tij (që ha nga po e njëjta enë).”