Sahihu i Buhariut — Hadithi 2512
4. Nënkapitulli: Lënia peng e kafshës që përdoret për udhëtim ose e asaj që përdoret për mjelje
Mugira transmeton nga Ibrahim Nehaiu se ka thënë: "Është e lejuar që kafsha e humbur të shfrytëzohet për t’u mjelë aq sa e ushqen dhe për t'i hipur aq sa e ushqen. Kjo vlen edhe për kafshën e lënë peng."
2512. Nga: Ebu Hurejra
Muhamed ibn Mukatili na ka thënë: Na ka rrëfyer Abdullahu, e këtij i ka rrëfyer Zekerija, e ky nga Shabiu se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Është e lejuar që kafsha e lënë peng të shfrytëzohet aq sa e ushqen dhe është e lejuar që të pihet qumështi i kafshës së lënë peng. Ai që e përdor kafshën dhe qumështin e saj, njëherazi obligohet që ta ushqejë atë.”