Sahihu i Buhariut — Hadithi 2564
4. Nënkapitulli: Shitja e robit që ka lidhur kontratë për lirim me pagesë, nëse ai pranon
Aishja ka thënë: "Fjala është për robin që ende nuk e ka kryer pagesën për lirimin e vet." Zejd ibn Thabiti ka thënë: "Fjala është për robin që i ka mbetur pagesa pa e kryer, qoftë edhe një dërhem." Ibn Omeri ka thënë: "I tilli konsiderohet rob, jetoi a vdiq, edhe nëse bën ndonjë krim, përderisa ende nuk e ka kryer pagesën për lirimin e tij."
2564. Nga: Aishe bint Ebu Bekri
Abdullah ibn Jusufi na ka thënë: Na ka rrëfyer Maliku, e ky nga Jahja ibn Seidi se Amra bint Abdurrahmani tregon se Berira shkoi të kërkonte ndihmë tek Aishja (Allahu qoftë i kënaqur me të!), nëna e besimtarëve, e cila i tha: “Nëse pronarët e tu dëshirojnë që unë t'ua paguaj tërë shumën njëherësh dhe të të liroj, do ta bëja.” Berira ua përmendi këtë gjë pronarëve të vet, por ata thanë: “Jo, përveç nëse merita e çrobërimit tënd na mbetet neve.”
Maliku transmeton se Jahjai ka thënë: “Amra pretendon se Aishja ia përmendi këtë të Dërguarit të Allahut ﷺ, e në atë rast i tha: "Blije dhe liroje, sepse merita e çrobërimit i takon atij që e liron.”