Sahihu i Buhariut — Hadithi 2569
3. Nënkapitulli: Ai që u kërkon shokëve t’i dhurojnë diçka
Ebu Seidi tregon se Pejgamberi ﷺ ka thënë: “Ma ndani edhe mua një hise, bashkë me tuajën.”
2569. Nga: Sehël ibn Sad Saidiu
Ibn Ebu Merjemi na ka thënë: Na ka treguar Ebu Gasani, e këtij i ka treguar Ebu Hazimi se Sehli (Allahu qoftë i kënaqur me të!) tregon se Pejgamberi ﷺ dërgoi dikë te një grua muhaxhire, e cila kishte një shërbëtor zdrukthëtar, për t'i thënë: “Urdhëroje shërbëtorin tënd të na i punojë shkallët e minberit.”
Gruaja në fjalë ashtu veproi. Urdhëroi shërbëtorin, i cili, me drurë tarfe, ia ndërtoi minberin Pejgamberit ﷺ. Pasi e përfundoi, përmes dikujt, e lajmëroi se minberi ishte gati, e Pejgamberi ﷺ i tha: “Ma dërgo me dikënd!” Kur e sollën, Pejgamberi ﷺ e mori dhe e vendosi aty ku po e shihni edhe sot.