Sahihu i Buhariut — Hadithi 2576

Ibrahim ibn Mundhiri na ka thënë: Na ka treguar Meani, e këtij i ka treguar Ibrahim ibn Tahmani, e ky nga Muhamed ibn Zijadi se Ebu Hurejra (Allahu qoftë i kënaqur me të!) ka thënë: “Kur dikush i sillte ndonjë ushqim të Dërguarit të Allahut ﷺ, pyeste: “Është dhuratë apo sadaka?” Nëse i thuhej sadaka, u thoshte sahabëve: “Hani!”, porse vetë nuk hante, e, nëse i thuhej dhuratë, e zgjaste dorën dhe hante bashkë me ta.”