Sahihu i Buhariut — Hadithi 2592
15. Nënkapitulli: Femrës së martuar i lejohet t’i dhurojë diçka atij që s'e ka burrë dhe të lirojë ndonjë rob, për sa kohë që nuk është mendjelehtë, në të kundërtën nuk i lejohet
Allahu i Madhërishëm ka thënë: “Pasurinë tuaj mos e lini në dorë të atyre që janë mendjelehtë...” (Nisa, 5)
2592. Nga: Mejmune bint Harithi
Jahja ibn Bukejri na ka treguar nga Lejthiu, e ky nga Jezidi, e ky nga Bukejri, e ky nga Kurejbi, i çrobëruari i Ibn Abasit, se Mejmune bint Harithi (Allahu qoftë i kënaqur me të!) tregon se ajo liroi një robëreshë pa lejen e Pejgamberit ﷺ. Kur i erdhi dita që Pejgamberi ﷺ të shkonte tek ajo, i tha: “O i Dërguari i Allahut, a e ke vënë re se e kam liruar robëreshën time?”
- “Vallë, ashtu paske vepruar?” - tha Pejgamberi ﷺ.
- Po.
- “Sikur t'ua dhuroje dajallarëve të tu, do të shpërbleheshe më shumë”, - i tha Pejgamberi ﷺ.
Bekër ibn Mudarri transmeton nga Amri, e ky nga Bukejri, e ky nga Kurejbi: “Mejmunia liroi një robëreshë.”