Sahihu i Buhariut — Hadithi 2599
19. Nënkapitulli: Mënyra e marrjes së robit a gjësendeve në pronësi
Ibn Omeri ka thënë: (Në një udhëtim) Kam qenë i hipur mbi një deve të vështirë, të cilën Pejgamberi ﷺ e bleu dhe më tha: “(Merre) Është e jotja o Abdullah.”
2599. Nga: Misver ibn Mahremi
Kutejbe ibn Seidi na ka thënë: Na ka treguar Lejthiu, e ky nga Ibn Ebu Mulejke se Misver ibn Mahremi (Allahu qoftë i kënaqur me të!) tregon se i Dërguari i Allahut ﷺ shpërndau disa xhybe, por Mahremit nuk i dha asgjë. Ai tha: “O biri im, eja të shkojmë tek i Dërguari i Allahut ﷺ.” Kështu, shkuam së bashku dhe, kur arritëm, më tha: “Hyr e thirre.” Kur e thirra, ai doli me një xhybe në dorë dhe tha: “Këtë ta kemi ruajtur ty.” Mahremi e shikoi Pejgamberin ﷺ dhe tha: “Tani Mahremi është i kënaqur.”