Sahihu i Buhariut — Hadithi 2605
23. Nënkapitulli: Dhurata që është marrë dhe që s'është marrë në pronësi, e ndara dhe e pandara
Pejgamberi ﷺ dhe sahabët ua dhuruan fisit hevazin gjërat e fituara mes tyre nga plaçka e luftës, edhe pse plaçka ende nuk ishte ndarë.
2605. Nga: Sehël ibn Sad Saidiu
Kutejbe na ka treguar nga Maliku, e ky nga Ebu Hazimi se Sehël ibn Sadi (Allahu qoftë i kënaqur me të!) tregon se të Dërguarit të Allahut ﷺ i sollën një pije, ndërsa në të djathtë të tij gjendej një djalosh, kurse në të majtë gjendeshin të moshuarit. Pejgamberi ﷺ i tha djaloshit:
- “A më lejon t'ua jap këtyre?”
- Jo, për Allahun! Nuk do t'i jepja përparësi askujt për të pirë atë që më takon, prej asaj që ka mbetur nga ti, - ia ktheu djaloshi.
Atëherë, ia lëshoi ibrikun në dorë.