Sahihu i Buhariut — Hadithi 2623
30. Nënkapitulli: Askujt nuk i lejohet t'ia marrë dikujt dhuratën a sadakanë që vetë ia ka dhënë
2623. Nga: Omer ibn Hatabi
Jahja ibn Kazeja na ka thënë: Na ka treguar Maliku, e ky nga Zejd ibn Eslemi, e ky nga babai i tij se Omer ibn Hatabi (Allahu qoftë i kënaqur me të!) tregon: “Dhashë një kalë në rrugën e Allahut. Mirëpo, ai që e mori, nuk përkujdesej për të, andaj doja ta blija dhe mendoja se do ta shiste lirë. E pyeta Pejgamberin ﷺ, i cili në atë rast më tha: “Mos e bli, edhe nëse ta jep për një dërhem, sepse ai që e rimerr lëmoshën e vet është sikurse qeni që i kthehet vjelljes së vet.”