Sahihu i Buhariut — Hadithi 2647
7. Nënkapitulli: Dëshmia rreth prejardhjes, në gjidhënie të njohur ndër njerëz dhe në vdekje të kamotshme
Pejgamberi ﷺ ka thënë: “Mua dhe Ebu Selemes na ka dhënë gji Thuvejbja.” Vërtetimi i gjidhënies
2647. Nga: Aishe bint Ebu Bekri
Muhamed ibn Kethiri na ka thënë: Na ka rrëfyer Sufjani, e ky nga Eshath ibn Ebu Shaëthai, e ky nga babai i tij, e ky nga Mesruku se Aishja (Allahu qoftë i kënaqur me të!) tregon: “Pejgamberi ﷺ hyri tek unë, ku gjeti një burrë, andaj më pyeti: “Kush është ky, oj Aishe?”
- Vëllai im nga qumështi, - i thashë.
- “Oj Aishe, shikoni mirë kë keni vëllezër (nga gjiri), sepse gjidhënie konsiderohet vetëm ajo që e ngop fëmijën nga uria”, - i tha Pejgamberi ﷺ.
Transmetimin e Muhamed ibn Kethirit e fuqizon Ibn Mehdiu nga Sufjani.