Sahihu i Buhariut — Hadithi 2662
16. Nënkapitulli: Lavdërimi i një burri ndaj një tjetri është i mjaftueshëm
Ebu Xhemile tregon: "Gjeta një fëmijë të humbur dhe, kur më pa Omeri, më tha: "Mos i ke hyrë një pune që s’ia di fundin? Sikur më akuzoi." Arifi i tha: "Ky është burrë i mirë." Omeri ia ktheu: "Ashtu, ë? Mirë pra, shko, ngase shpenzimet e tij (fëmijës së gjetur) i mbulojmë ne."
2662. Nga: Ebu Bekrete
Muhamed ibn Selami na ka thënë: Na ka rrëfyer Abdulvehabi, e këtij i ka treguar Halid Hadhai, e ky nga Abdurrahman ibn Ebu Bekrete se babai i tij Ebu Bekrete (Allahu qoftë i kënaqur me të!) tregon: “Një burrë lavdëroi një tjetër në prani të Pejgamberit ﷺ, e në atë rast Pejgamberi ﷺ i tha: “Mjerë ti! E more në qafë shokun tënd”, - duke e përsëritur disa herë. Pastaj tha: “Nëse dikush duhet që medoemos ta lavdërojë vëllanë e vet, atëherë le të thotë: “Mendoj se filani, - ndërkohë Allahu e njeh më së miri dhe askënd nuk e lavdëroj para Allahut, - është kështu e ashtu"; nëse i di vetë ato gjëra për të.”