Sahihu i Buhariut — Hadithi 2665
18. Nënkapitulli: Puberteti dhe dëshmia e fëmijëve
Allahu i Lartësuar ka thënë: “Kur fëmijët tuaj të arrijnë moshën e pubertetit, le të kërkojnë leje (për të hyrë në dhomat tuaja të pushimit)...” (Nur, 59) Mugire ka thënë: "Kam hyrë në pubertet në moshën dymbëdhjetëvjeçare. Menstruacionet janë shenjë e pubertetit të femrave." Allahu i Madhërishëm ka thënë: “Nëse dyshoni për ato gra tuajat, të cilave u janë ndërprerë menstruacionet, mësoni se koha e tyre e pritjes është tre muaj. Njësoj është edhe për ato që nuk u kanë ardhur ende menstruacionet. Ndërkaq, për gratë shtatzëna, afati i tyre është deri në lindjen e fëmijës...” (Talak, 4) Hasen ibn Salihu ka thënë: Kam mbërritur një fqinje tonën, e cila ishte bërë gjyshe në moshën njëzetenjëvjeçare.
2665. Nga: Ebu Seid Hudriu
Ali ibn Abdullahu na ka thënë: Na ka treguar Sufjani, e këtij i ka treguar Safvan ibn Sulejmi, e ky nga Ata ibn Jesari se Ebu Seid Hudriu (Allahu qoftë i kënaqur me të!) transmeton se Pejgamberi ﷺ ka thënë: “Pastrimi ditën e xhuma është obligim për çdo të rritur.”