Sahihu i Buhariut — Hadithi 2668
20. Nënkapitulli: Të akuzuarit i takon të betohet në çështjet që kanë të bëjnë me pasuri dhe ndëshkime të përcaktuara
Pejgamberi ﷺ ka thënë: “Ose silli dy dëshmitarë, ose ai do të betohet.” Kutejbe ka thënë: Na ka treguar Sufjani, e ky nga Ibn Shubrume se ka thënë: "Ebu Zinadi erdhi të bisedojë rreth dëshmisë së dëshmitarit dhe betimit të të akuzuarit." I thashë: "Allahu i Lartësuar ka thënë: “Thirrni dy dëshmitarë prej njerëzve tuaj, e, nëse nuk gjeni dy dëshmitarë burra, atëherë thirrni për dëshmitarë një burrë dhe dy gra, nga ata që i pëlqeni; në mënyrë që, nëse njëra grua harron, t’ia kujtojë tjetra...” (Bekare, 282) Nëse do të mjaftonte dëshmia e një dëshmitari dhe betimi i të akuzuarit, atëherë pse ka nevojë që njëra grua t’ia kujtojë tjetrës, çfarë do të arrinte nëse ia kujton kësaj tjetrës?"
2668. Nga: Abdullah ibn Abasi
Ebu Nuajmi na ka thënë: Na ka treguar Nafi ibn Omeri se Ibn Ebu Mulejke tregon: “Ibn Abasi (Allahu qoftë i kënaqur me të!) më shkroi letër, ku thoshte se Pejgamberi ﷺ ka gjykuar me betimin e të akuzuarit.”