Sahihu i Buhariut — Hadithi 2675
25. Nënkapitulli: Ajeti: “Vërtet, ata që e shkëmbejnë premtimin dhe betimin e tyre ndaj Allahut me një vlerë të vogël...
Allahu i Madhërishëm ka thënë: "... nuk do të kenë asnjë të mirë në jetën e ardhshme. Allahu nuk do t’u flasë atyre, as nuk do t’i shikojë në Ditën e Kiametit dhe as nuk do t’i pastrojë prej gjynaheve e për ta do të ketë dënim të dhembshëm.” (Ali Imran, 77)
2675. Nga: Abdullah ibn Ebu Eufai
Is'haku më ka thënë: Na ka rrëfyer Jezid ibn Haruni, e këtij i ka rrëfyer Avami, e këtij i ka treguar Ibrahim Ebu Ismail Seksekiu se Abdullah ibn Ebu Eufai (Allahu qoftë i kënaqur me të!) tregon se një burrë nxori një produkt në treg dhe filloi të betohet se i kanë ofruar çmim më të shtrenjtë. Atëherë zbriti ajeti: “Vërtet, ata që e shkëmbejnë premtimin dhe betimin e tyre ndaj Allahut me një vlerë të vogël...” (Ali Imran, 77)
Ibn Ebu Eufai ka thënë: “Manipuluesi i çmimit të ankandit konsiderohet kamatëmarrës e mashtrues.”