Sahihu i Buhariut — Hadithi 2679
26. Nënkapitulli: Si i kërkohet dikujt të betohet?
Allahu i Lartësuar ka thënë: “Ata ju betohen në Allahun...” (Teube, 62), dhe: “... e të vijnë te ti, duke u betuar në Allahun e duke thënë: "Ne kemi dashur vetëm të bëjmë mirësi dhe pajtim?!” (Nisa, 62) Për betim përdoren shprehjet: bilahi, tallahi dhe vallahi. Pejgamberi ﷺ ka thënë: “... dhe një person që betohet në Allahun rrejshëm pas ikindisë.” Nuk lejohet betimi në diçka tjetër pos Allahut.
2679. Nga: Abdullah ibn Omeri
Musa ibn Ismaili na ka thënë: Na ka treguar Xhuvejri, e këtij ia ka përmendur Nafiu se Abdullahu (Allahu qoftë i kënaqur me të!) transmeton se Pejgamberi ﷺ ka thënë: “Ai që medoemos duhet të betohet, le të betohet në Allahun, ose le të heshtë.”