Sahihu i Buhariut — Hadithi 2721
6. Nënkapitulli: Kushtëzimet në mehër gjatë lidhjes së kontratës martesore
Omeri ka thënë: Të drejtat e njerëzve arrijnë deri te kushtet që ata i vendosin ndërmjet vete. Misveri ka thënë: "E kam dëgjuar Pejgamberin ﷺ duke përmendur një dhëndër të vetin, të cilin e lavdëroi në raportet miqësore ndërmjet tyre dhe tha fjalë të mira: “Kur më ka folur, është treguar i sinqertë dhe, kur më ka premtuar, e ka mbajtur premtimin.”
2721. Nga: Ukbe ibn Amir Xhuheniu
Abdullah ibn Jusufi na ka thënë: Na ka treguar Lejthiu, e këtij i ka treguar Jezid ibn Ebu Habibi, e ky nga Ebu Hajri se Ukbe ibn Amiri (Allahu qoftë i kënaqur me të!) transmeton se i Dërguari i Allahut ﷺ ka thënë: “Ndër kushtëzimet që më së shumti meritojnë t'i përmbushni janë ato përmes të cilave ju bëhen të lejuara gratë tuaja.”